विभागले ओरिएन्टेशन सेन्टरहरूसँग स्पष्टीकरण माग्यो

1005 पटक पढिएको

१४ साउन/अर्थ र व्यापार – वैदेशिक रोजगार विभागले १८ वटा अभिमुखीकरण तालिम प्रदायक संस्था (ओरिएन्टेशन सेन्टर) लाई स्पष्टीकरण सोधेको छ ।
वैदेशिक रोजगारीमा जान नेपाली कामदारलाई ओरिन्टेशन प्रदान गर्दै आएका संस्थाहरूलाई विभागले अनुगमनको क्रममा स्पष्टीकरण माग गरेको हो ।
अनुगमनको क्रममा विभिन्न खालका समस्या देखिएपछि उनीहरूसँग स्पष्टीकरण सोधिएको विभागका सूचना अधिकारी टिकाराम ढकालले जानकारी दिए । त्यसरी स्पष्टीकरण सोधिएका विभिन्न संस्थाहरूमा केहीको भौतिक पूर्वाधार नभएको, कसैको जनशक्ति नभएको,कसैको लोकेसन नभेटिएको उनको भनाई छ।

उनीहरुलाई एक साताको स्पष्टिकरण सोधिएको र स्पष्टीकरण पेस गरे भने कार्यविधि बमोजिम सचेत गराउने कि जरिवाना गराउनेबारे निणर्य हुने विभागले जनाएको छ ।
विभागले यो महिना सयवटा संस्थाको अनुगमन गर्ने तयारी गरेको छ । हाल १ सय ४३ वटा संस्थाहरूले वैदेशिक रोजगारीमा जाने श्रमिकहरूलाई पूर्वप्रस्थान तालिम प्रदान गर्नका लागि इजाजत लिएका छन् । तीमध्ये हाल १ सय २५ वटा संस्था सक्रिय छन् भने १८ वटा संस्थाको अनलाईन आइटी बन्द गरिएको छ ।
विभागले काठमाडौं बाहिरका संस्थाहरूको हकमा अनलाइनमार्फत अनुगमन गरेको थियो भने काठमाडौंका विभिन्न कार्यालयमै गएर अनुगमन गरेको थियो । विभागले गत वर्षदेखि ति संस्थाहरूलाई आईरिस सिस्टम जडान गराएको थियो । उनीहरूको अनलाइनमार्फत समेत अनुगमन सक्ने व्यवस्था मिलाइएको थियो । सोही अनुसार विभागले कतिपय संस्थाहरूको अनलाइनमार्फत समेत अनुगमन गरेको हो ।

तपाईको प्रतिक्रिया

सम्बन्धित शीर्षकहरु

नेपाल र साउदीबीच श्रम सम्झौता

स्वास्थ्य संस्थाहरूको गतिविधि श्रमिक विरोधी कदम : संघ

स्वास्थ्य परीक्षण कार्यमा अवरोध नपुर्याउन दुई संघको आग्रह

वार्षिक एकसय कामदार नपठाएका म्यानपावरको नवीकरण सुरु

कोरियन भाषा परीक्षाको आवेदन खुल्यो, यसवर्ष ५ हजार ३ सय जना प्रशिक्षार्थी कामदार लैजाने