एक महिनामै २४ अर्ब १० करोडको वैदेशिक लगानी स्वीकृत
२ भदौं/अर्थ र व्यापार – चालु आर्थिक वर्ष २०८२/८३ को पहिलो महिना अर्थात साउनमा हालसम्मकै उच्च विदेशी लगानी प्रतिवद्धता आएको छ । उद्योग विभागले उपलब्ध गराएको तथ्यांकअनुसार साउनमा २४ अर्ब १० करोड ४९ लाख ९५ हजार रुपैयाँ बराबरको वैदेशिक लगानी प्रतिवद्धता आएको हो ।
यो प्रतिवद्धता एक महिनाभित्र आएको हालसम्मकै उच्च हो । साउनमा विदेशी लगानीका १ सय २७ परियोजना दर्ता भएका छन् । जसमार्फत कुल ८ हजार २ सय बढी जनाले रोजगारी पाउने बताईएको छ ।
साउनमा वैदेशिक लगानी प्रतिवद्धता उच्च हुनुमा कृषि क्षेत्रका ३ परियोजनामा आएको प्रतिवद्धता मुख्य रहेको देखिएको छ । विभागले उपलब्ध गराएको तथ्यांकलाई आधार मान्दा कृषिमुलक क्षेत्रका ३ परियोजनामा मात्र साउन महिनामा २० अर्ब ४ करोड ५५ लाख रुपैयाँ बराबरको लगानी प्रतिवद्धता आएको छ ।
खासगरी यसअघिका महिनाहरुमा सबैभन्दा बढी लगानी प्रतिवद्धता सेवा र पर्यटन क्षेत्रमा आउने गरेको भएपनि यसपल्ट भने कृषि क्षेत्रका सबैभन्दा बढी लगानी प्रतिवद्धता आएको देखिएको छ ।
यस्तै यसै अवधिमा पर्यटन क्षेत्रमा पनि ३ अर्ब २ करोड रुपैयाँ बराबरको विदेशी लगानी प्रतिवद्धता आएको विभागले जानकारी दिएको छ । विभागका अनुसार यस अवधिमा पर्यटन क्षेत्रका ४१ परियोजना नेपालमा दर्ता भएका छन् ।
यस अवधिमा सूचना प्रविधि क्षेत्रका सबैभन्दा बढी परियोजना दर्ता भएको विभागको तथ्यांकमा उल्लेख छ । पछिल्लो १ महिनामै सूचना प्रविधि क्षेत्रका ७१ परियोजना नेपालमा दर्ता भएको देखिन्छ । यी परियोजनामार्फत विदेशी लगानीकर्ताहरुले ३६ करोड ५२ लाख रुपैयाँ लगानी गर्ने प्रतिवद्धता जाहेर गरेका छन् ।
यता सेवामुलक क्षेत्रका ८ परियोजनामार्फत ३३ करोड ५० लाख रुपैयाँ बराबरको लगानी प्रतिवद्धता आउँदा उर्जामुलक क्षेत्रमा १८ करोड ४२ लाख र उत्पादनमुलक क्षेत्रमा १५ करोड ५० लाख रुपैयाँ बराबरको विदेशी लगानी प्रतिवद्धता आएको विभागले जनाएको छ । गत साउन महिनामा खानी र पूर्वाधार क्षेत्रमा भने विदेशी लगानी प्रतिवद्धता नआएको छ ।
सम्बन्धित शीर्षकहरु
मुख्य खबर
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया