९ जेठ/अर्थ र व्यापार – हरेक क्षेत्रमा अकासिएको चर्को मुल्यबृद्धिको मार खेप्न बाध्य आम उपभोक्ताको ढाड सेक्नेगरि सरकारले फेरि इन्धनको मुल्यमा भारि बृद्धि गरेको छ । भारतबाट ल्याउने बेलामा नै भाउ बढेको भन्दै नेपाल आयल निगमले अहिले पुनः खाना पकाउने एलपी ग्यास र पेट्रोलियम पदार्थको मूल्यमा भारि बृद्धि गरेको हो ।
आयल निगमले आइतबार राती १२ बजेदखि नै लागुहुनेगरि पेट्रोल, डिजेल र मट्टितेलमा प्रतिलिटर १० रुपैयाँका दरले मुल्य बढाएको छ । निगमले गरेको यस्तो निणर्य पछि अब काठमाडौं उपत्यकामा पेट्रोलको मूल्य प्रतिलिटर १८० रुपैयाँ तथा डिजेल र मट्टितेलको मूल्य प्रतिलिटर १६३ रुपैयाँ पर्ने भएको छ ।
यसैगरि, निगमले खाना पकाउने एलपी ग्यासको मूल्य पनि प्रतिसिलिण्डर दुईसय रुपैयाँका दरले बढाएको छ । अब खाना पकाउने ग्यासको मुल्य प्रतिसिलिण्डर १८ सय रुपैयाँ पुगेको छ । यसभन्दा एकसाता अघि मात्र सरकारले खाना पकाउने ग्यासको मुल्य बढाएर प्रतिसिलिण्डर १६ सय रुपैयाँ पु¥याएको थियो । यसअघि प्रति लिटर पेट्रोलको मुल्य १७० रुपैयाँ , डिजेल र मट्टितेलको मुल्य प्रतिलिटर १५३ रुपैयाँ थियो ।
यसभन्दा एकसात अघि मात्र आयल निगमले नोक्सानी बढेको भन्दै इन्धनको मूल्य भारि मात्रामा बढाएको थियो । अहिले फेरि निगमले सोही कारण देखाउँदै आम उपभोक्ताको ढाड सेक्नेगरि यतिधेरै मुल्य बढाएको हो । निगमका अनुसार यसरी बढाईएको नयाँ मूल्य आइतबार राति १२ बजेदेखि नै लागू हुने छ ।
निगमका सह प्रवक्ता पुष्कर कर्कीले भारतबाट ल्याउने बेलामा नै खरिदमुल्य बढेका कारण निगमले बाध्य भएर माग अनुसारको आयात धान्न नसक्ने भएपछि यसरी मुल्य बुढाउनुपरेको बताए । उनले अझै निगमलाई इन्धन आयातमा घाटा भईरहेको बताए ।
गत ३० बैशाखमा सम्पन्न भएको स्थानीय तहको निर्वाचन लगत्तै सरकारले यो पटकसहित लगातार दुईपटक सम्म इन्धनको मुल्य बढाएको हो । आयल निगमले हवाई इन्धन (आन्तरिकतर्फ) को मूल्य पनि बढाएको छ । निगमले बढाएको यस नयाँ मुल्य अनुसार हवाई न्धनमा १० रुपैयाँ वृद्धि गरेर प्रतिलिटर १६६ रुपैयाँ तोकिएको जनाएको छ ।
अन्तर्राष्ट्रिय बजारमा प्रशोधित तेलको मूल्य निरन्तर बढ्दै गएकाले यो मूल्य समायोजनपछि पनि पेट्रोलमा मासिक १ अर्ब रुपैयाँ, डिजलमा ३ अर्ब ४० करोड रुपैयाँ र खाना पकाउने एलपी ग्याँसमा ३ अर्ब रुपैयाँ घाटा हुने देखिएको निगमको दाबी छ ।
सम्बन्धीत उपभोक्ता अधिकारकर्मीहरुले सरकार यसरी बढाएको चर्को मुल्यबृद्धिले अब न्युन आय भएका सर्वसाधारण उपभोक्तालाई दैनिक भन्सा चलाउन समेत निकै कढिन हुने बताएका छन ।