२९ वैशाख/अर्थ र व्यापार – ल्यान्डमार्क होटल्स एन्ड रिसोर्टले सोमबारदेखि चितवनको भरतपुर र भुवनटार देवघाटमा सेवा विस्तार गरेको छ । भरतपुर हाइटमा ७० रुमको होटल र देवघाट ५ भुवनटारमा करिब ४ एकर्ड क्षेत्रफलमा फैलिएको रुम, कटेज, ट्री हाउस स्विमिङ पूल सहितको फार्म हाउसमा ल्यान्डमार्क होटल्स एन्ड रिसोर्टले व्यवस्थापन सम्हालेको जनाएको छ ।
सो होटलद्धारा जारी विज्ञप्तिमा भरतपुर र देवघाट क्षेत्रको पर्यटन प्रर्वधनमा महत्वपूर्ण योगदान पु¥याउने लक्ष्य रहेको जनाईएको छ । सेवा विस्तारको क्रममा होटल र फार्म हाउस व्यवस्थापन सम्हालेसँगै ल्यान्डमार्कले नेपालको पर्यटन क्षेत्रमा आफ्नो उपस्थिति थप मजबुत बनाएको सो होटल्स एन्ड रिसोर्टले जनाएको छ । ल्यान्डमार्क होटल्स एन्ड रिसोर्टस, नेपालकै प्रतिष्ठित हस्पिटालिटी समूह हो ।
ल्यान्डमार्क होटल्स एन्ड रिसोर्टका कर्पोरेट अपरेशन निर्देशक सम्राट पाण्डेले लामो समयदेखि काठमाडौं, पोखरा, चितवन र भैरहवामा लक्जरी होटल र रिसोर्टहरूको व्यवस्थापन गर्दै आएको यस होटलले अहिले चितवनको दुई ठाउँमा पनि थप सेवा विस्तार गरिएको बताए ।
‘आफ्नो विशेष सेवा, पारिवारिक वातावरण र नेपाली आतिथ्य संस्कृतिमा आधारित उत्कृष्ट अनुभव प्रदान गर्ने र अतिथिलई सन्तुष्ट पार्ने हाम्रो उद्देश्य हो, हाम्रो यस प्रयासले पर्यटकलाई शहरी र प्राकृतिक सुन्दरताको अद्वितीय मिश्रणको अनुभव दिलाउने विश्वास लिएका छौं’ निर्देशक पाण्डेले भने ।
उनले भरतपुरको शहरी सौन्दर्य र देवघाटको प्राकृतिक शान्तिको संयोजनले अतिथिहरूलाई आराम, मनोरञ्जन र प्राकृतिक आनन्दको सम्पूर्ण अनुभव प्राप्त हुने अपेक्षा गरिएको बताए ।
त्रिशूली नदीको किनारमा अवस्थित ल्यान्डमार्क फार्म हाउस एक मनोरम स्थान भएको बताउँदै पाण्डेले भने, ‘रुम, कटेज ट्री हाउस स्विमिङ पूल सहितको यो स्थानले प्राकृतिक सौन्दर्य, आराम र आधुनिक सुविधाको उत्कृष्ट संयोजन प्रदान गर्ने छ ।’
निर्देशक पाण्डेका अनुसार यस फार्म हाउसमा फार्म टु टेवल डाइनिङ जसमा ताजा र स्थानीय उत्पादनमा आधारित भोजन हुनेछ । स्विमिङ पूल, पूल साइड पार्टी स्पेस बार र रेस्टुरेन्ट एवं ट्री हाउसको आकर्षक सेवा उपलब्ध हुने छ ।
यसैगरी, भरतपुरको मुटुमा अवस्थित ल्याण्ड्मार्क नारायणी होटल भरतपुरमा व्यापारिक र पारिवारिक पाहुनाका लागि उत्कृष्ट सेवा र सुविधा उपलब्ध रहेको छ । यस होटलमा फराकिलो र आरामदायी ७० वटा कोठा रहेका छन् । विभिन्न साइजका ६ वटा ब्यांकेट तथा व्यवसायिक बैठक र गोष्ठीका लागि कन्फ्रेन्स हल रहेको छ ।
रमाइलो वातावरणमा खाना खानका लागि रेस्टुरेन्ट पेय पदार्थको विविधता सहितको बार , कफी हाउस, खुला आकाशमुनि आरामदायी ढंगले समय बिताउनका लागि ओपन टेरेस रहेको यस होटलमा थप मनोरञ्जनको अनुभवका लागि आगामी दिनमा स्विमिङ पूल थपिने सो होटलले जनाएको छ ।