३० चैत/अर्थ र व्यापार – नेपाल भित्रिने पर्यटक आगमन संख्या बृद्धि भएसँगै अहिले विश्वको सर्बोच्च शिखर सगरमाथा आधार शिविर क्षेत्रमा ६/७ वर्षका बालबालिका देखि ७० वर्षिय बृद्धबृद्धाहरु समेत रमाउन थालेका छन ।
बेलायतबाट १६ जनाको पारिवारिक भ्रभणमा आएका ६/७ वर्षका बालबालिकादेखि ८० वर्षको बृद्धबृद्धा सहितको टोलिलाई अर्थवाउण्ड एक्पीडिसन प्रालिले सगरमाथा आधार शिविर क्षेत्रमा पुराएको हो ।
आफ्ना घरपरिवारका सदस्य जम्मा भएर नेपालको नयाँ वर्ष २०८० को अवसरका अहिले संसारको छानो सगरमाथा हिमाल आधार शिविर क्षेत्रमा पुगेका कुल १६ जना पारिवारिक भ्रमणदलका बेलायती सदस्यहरु मध्ये ८/९ जना बालबालिका रहेका छन । यो भ्रमणदलका सदस्यहरुमा एकदुईजना ८० वर्षिय बृद्धबृद्धाहरु समेत रहेका छन ।

अर्थवाउण्ड एक्पीडिसन प्रालिका प्रवन्ध निर्देशक राजन सिम्खडाले बुधबार आफ्नो कम्पनीका निर्देशक बद्रि गजुरेलको संयोजकत्वमा बेलायतबाट नेपाल आएका बालबालिकादेखि बृद्धबृद्धाहरुको यस पारिवारिक भ्रमण टोली सगरमाथा आधार शिविरमा पुगेको जानकारि दिए । उनले बालबालिका र बृद्धबृद्धा सहितको यस बेलायती पारिवारिक टोली सगरमाथा आधार सिविरमा पुगेसँगै नेपालको पदयात्रा तथा पर्वतिय भ्रमणकालागि नयाँ आयाम थपिएको बताए । अर्थवाउण्ड एक्पीडिसनका निर्देशक गजुरेल म्याराथुन धावक पनि हुन । 

‘मलाई जानकारी भएसम्म सायद यो बालबालिका र बृद्धबृद्धा सहितको भ्रमण टोली नै पहिलोपटक सगरमाथा आधार शिविर क्षेत्रमा पुगेको हुनसक्छ’ सिम्खडाले भने । आफुले यसअघि यतिसाना बालबालिका र ८० वर्षिय बृद्धबृद्धा सहभागी पारिवारिक पदयात्रा भ्रमण सगरमाथा आधार शिविरमा भएकोबारे जानकारि नपाएको बताउँदै उनले भने, ‘ कोरोना विश्वमहामारिले थलिएर विस्तारै चलायमान हुँदै गरेको नेपालको पर्यटन क्षेत्रकालागि यो भ्रमण निकै उपलब्धीमुलक र फलदायी हुने छ ।’

उनले सगरमाथा आधार शिविर क्षेत्रमा पुगेर रमाउँदै गरेको यस बेलायती पारिवारिक भ्रमणले अन्तर्राष्ट्रिय जगतमा अहिले नेपालको पदयात्रा भ्रमण निकै सुरक्षित र आनन्ददायी रहेछ भन्ने सन्देस प्रभाव हुने अपेक्षा गरिएको बताए । यसरी बालबालिका र बृद्धबृद्धा सहितको पारिवारिक भ्रमणमा विदेशी आउन थाल्नु नेपालको पर्यटन क्षेत्रकालागि निकै राम्रो भएको र आगामी दिनमा पनि पारिवारिक भ्रमण र सुरक्षित गन्तव्यका रुपमा विकसित हुने उनले बताए ।