२५ चैत्र / अर्थ र व्यापार- चितवनको कुरिनटारमा रिभरफन क्याफे सञ्चालनमा आएको छ । रिभरफन बीच रिसोर्ट हुँदै गोरखाको गण्डकी गाउँपालिका जोड्ने त्रिशुली नदीमाथि जीपलाइन सञ्चालनमा ल्याएसंगै रिभरफन सञ्चालन गरिरहेको व्यवस्थापनले नै जीपलाईन स्टेशनमै रिभरफन क्याफे सञ्चालनमा ल्याएको हो ।

हिजो बिहिबार कुरिनटार, बुट्टारस्थित क्याफेको इच्छाकामना गाउँपालिकाका अध्यक्ष गीता कुमारी गुरुङ र गण्डकी गाउँपालिका अध्यक्ष होम बहादुर राना मगरले संयुक्त रुपमा उद्घाटन गरे । रिभरफन जीपलाईनको स्टेशन विल्डिङमा सञ्चालित रिभरफन क्याफे मल्टि क्युजीन क्याफे हो । “विदेशी खानाको पारखीहरु देखी नेपाली थकाली खाना मन पराउने आन्तरिक र बाह्य दुवै पर्यटकलाई उच्चस्तरको स्वाद, सेवा र सत्कार दिने हाम्रो चाहना छ”–क्याफेका प्रबन्ध निर्देशक शंकर अधिकारीले भने । तीन तल्ले क्याफे राजमार्गमा यात्रा गर्ने यात्रु र पर्यटकहरुलाई पनि नयाँ अनुभव दिलाउने किसिमको होस भन्ने आँफुहरुको चाहना रहेको अधिकारीले वताए ।

कुरिनघाटस्थित रिभरफन बिच रिसोर्टमा जीपलाईन सञ्चालनमा ल्याएपश्चात रिभरफन व्यवस्थापनले राजमार्ग छेउमा रिभरफन क्याफे सञ्चालनमा ल्याएको हो । रिभरफन बिच रिसोर्ट काठमाडौंवाट ९९ किलोमिटर दुरीमा बुट्टार, कुरिनघाटमा त्रिशुली नदी किनारमा अबस्थित छ । जीपलाईनको सुरुवात विन्दुमा बन्ने टावरमा रेष्टुरेण्ट,कफी शपका साथै भ्यु प्वाईन्ट समेत बनाईएको छ ।

रिभरफन बिच रिसोर्टमा “गन्यव्य रिभरफन”कै रुपमा विकास गर्न रिसोर्टमा विभिन्न सेवा सुविधाहरु थप गरिएको प्रबन्ध निर्देशक अधिकारीले वताए । रिभरफनमा विभिन्न उमेर समुह र रुचिका आन्तरिक र बाह्य पर्यटकलाई बेग्लै अनुभव दिने उद्देश्यले विभिन्न सेवाहरु थप्दै लगेको प्रबन्ध निर्देशक अधिकारीले वताए । पर्यटकहरुलाई समग्र पर्यटन प्याकेज उपलब्ध गराउने रिसोर्टको योजना रहेको अधिकारीले वताए ।

“कोभिड महामारीले पर्यटन बजार सुस्ताएको अवस्थामा कोरोनापछिको पर्यटन लाई लक्षित गर्दै स्वदेशी तथा विदेशी सवै उमेर समुह र वर्गका पर्यटकहरुलाई लक्षित गरेर रिभरफन बिच रिसोर्टमा विभिन्न सेवाहरु थप गरेका हौं”–रिसोर्टका निर्देशक राजन सिम्खडाले वताए । रिभरफन बीच रिसोर्टले पछिल्लो समय रिसोर्ट परिसरमा विभिन्न पूर्वाधारहरु पनि थप गरेको जनाएको छ ।