सेयर बजारमा पहिरो, नेप्से ३८.१० अंकले घट्यो

52 पटक पढिएको

१२ भदौ/अर्थ र व्यापार – यस साताको अन्तिम कारोबार दिन बिहीबार सेयर बजारमा पहिरो गएको छ । यसदिन सेयर बजार परिसूचक नेप्से ३८.१० अंकले घटेर २७ सय ८१ विन्दुमा झरेको छ ।
अघिल्लो कारोबार दिन बुधबार नेप्से परिसूचक ५३ अंकले बढेर २८ सय विन्दुमाथि पुगेको थियो । नेप्सेको सो बृद्धि एकदिन पनि टिकेन । यसदिन ३ सय २२ कम्पनीको १ करोड ७८ लाख ९१ हजार ९ सय १७ कित्ता सेयर ८ अर्ब ९ करोड ५६ लाख १० हजार ४ सय ४५ रुपैयाँमा खरिदबिक्री भएको छ ।
यसदिनको कारोबार रकम अघिल्लो दिनको भन्दा केही बढी हो । अघिल्लो दिन ७ अर्ब ६८ करोड रूपैयाँ बराबरको सेयर कारोबार भएको थियो । यसदिन पनि विकास हाइड्रोपावरको सेयर सकारात्मक सर्किट लेभलमा कारोबार भएको छ ।
कारोबार रकमका आधारमा नेपाल रि इन्स्योरेन्स शीर्षस्थानमा रहेको छ । सो कम्पनीको ६ करोड ५४ लाख मूल्यबराबरको सेयर कारोबार भएको छ । यसैगरी, हिमालयन रि इन्स्योरेन्सले ६० करोडको सेयर कारोबार भएको छ । हिमालयन डिस्टिलरीको ३५ करोड,शिवम् सिमेन्टको २२ करोड र युनाइटेड मोदी हाइड्रोपावरको १९ करोडको सेयर कारोबार भएको छ ।
यसदिन कारोबारमा आएका मध्ये २४ वटा कम्पनीको सेयरमूल्य बढेको छ । २ सय २७ वटा कम्पनीको सेयरमूल्य घटेको छ । र्२ वटा उपसमूहको सेयरमूल्य उपसूचक बढेको छ । अन्य उपसमूहको सूचक घटेको छ ।

तपाईको प्रतिक्रिया

सम्बन्धित शीर्षकहरु