सामान्य अंकले बढ्यो नेप्से , ६ अर्ब १७ करोडको कारोबार

174 पटक पढिएको

२ भदौं/अर्थ र व्यापार – सेयर बजार सामान्य अंकले बढेको छ । नेप्से परिसूचक सोमबार ९ दशमलव १६ अंक बढेर २७ सय ७० दशमलब ३९ विन्दुमा पुगेको छ ।
यसदिन कारोबारमा आएका म्युचुअल फण्ड र अन्य बाहेकका उपसमूहले बजार बढाएका हुन । सबैभन्दा धेरै व्यापार उपसमूहको सूचक १ दशमलब २९ प्रतिशत बढेको छ । १ सय ७५ कम्पनीका लगानीकर्ताले कमाएका छन् । युनियन हाइड्रोपावरको सेयर मूल्य सबैभन्दा धेरै ६ दशमलब १० प्रतिशतले सेयर मूल्य बढेको छ ।
बजारमा ६ अर्ब १७ करोड ९८ लाख रुपैयाँको सेयर किनबेच भएको छ । नेपाल रि इन्स्योरेन्सको सर्वाधिक २१ करोड ७५ लाख रुपैयाँको सेयर कारोबार भएको छ । बुटवल पावर कम्पनीको २० करोड ९५ लाख र एनआरएन इन्फ्रास्ट्रक्चरको १८ करोड ७५ लाख रुपैयाँको सेयर कारोबार भएको छ ।
७४ कम्पनीको सेयर मूल्यमा गिरावट आएको छ । सम्पदा लघुवित्तको सर्वाधिक ४ दशमलब ८१ प्रतिशतले सेयर मूल्यमा गिरावट आएको छ ।
बैंकिङ उपसमूहको २.५३, विकास बैंक उपसमूहको १८.३३, फाइनान्स उपसमूहको २.२९, होटल र पर्यटन उपसमूहको १७.१९, जलविद्युत उपसमूहको ३४.७७, लगानी उपसमूहको ०.४८, जीवन बीमा उपसमूहको ४२.६६, उत्पादनमूलक उपसमूहको ३७.७५, लघुवित्त उपसमूहको ५.२०, निर्जीवन बीमा उपसमूहको ४७.४५ र व्यापार उपसमूहको ५३.३८ अंकले बढेका छन् । तर, सोमबार सामूहिक लगानी कोष ०.१० र अन्य समूहगत सूचक १५.४३ अंकले घटेका छन् ।

तपाईको प्रतिक्रिया

सम्बन्धित शीर्षकहरु

सामान्य अंकले बढ्यो सेयर बजार, कारोबार घट्यो

नेप्से ९.७० अंकले घट्यो

सामाजिक सञ्जालमा सेयर किनबेच सिफारिस भ्रामक र अनधिकृत: नेप्से