१५ वैशाख/अर्थ र व्यापार – यस साताको दोस्रो कारोबार दिन सोमबार सेयर बजारमा दोहोरो अंकको गिरावट आएको छ । यसदिन सेयर बजार परिसूचक नेप्से अघिल्लो दिनको तुलनामा १४ दशमलब ५३ अंकले घटेर २६ सय ४७ दशमलब ७ विन्दुमा कायम भएको छ । कारोबार रकम पनि घटेको छ ।
अघिल्लो दिन १० अर्ब ८७ करोड रुपैयाँ बढीको सेयर कारोबार भएकोमा यसदिन जम्मा ८ अर्ब ९१ करोड २८ लाख ४३ हजार ९ सय १९ रुपैयाँको सेयर कारोबार भएको छ । १ सय ६७ वटा कम्पनीको सेयर मुल्य घटेको छ । ७८ वटा कम्पनीको सेयर मूल्य बढेको छ ।
दोहोरो अंकले बजार घटे पनि यसदिन फाइनान्स उपसमुहको सेयर मुल्य बढेको छ । लामो समयपछि लगानीकर्ताको सबैभन्दा धेरै आकर्षण फाइनान्स उपसमुहमा देखिएको छ । फाइनान्स उपसमुहको सेयर मुल्य सबैभन्दा धेरै १ दशमलब ४० प्रतिशतले बढेको छ । व्यापार उपसमुहको सुन्य दशमलब ४२ प्रतिशतले बढेको छ ।
अन्य सबै उपसमुहको सेयर मुल्य घटेका छन् । अघिल्लो दिनसम्म आकर्षणमा रहेको लगानी उपसमुहको सेयर मुल्य सबैभन्दा धेरै २ दशमलब १४ प्रतिशतले घट्यो । बैंकिङ उपसमुहको सून्य दशमलब ६५ प्रतिशत , विकास बैंक उपसमुहको सून्य दशमलब २८ प्रतिशत, होटल तथा पर्यटन उपसमुहको सुन्य दशमलब २३ प्रतिशत, हाइड्रोपावर उपसमुहको सून्य दशमलब ७५ प्रतिशतले सेयर मुल्य घटेको छ ।
जीवन बीमा उपसमुहको सून्य दशमलब १३ प्रतिशत, उत्पादन उपसमुहको सुन्य दशमलब ५४ प्रतिशत, माइक्रोफाइनान्स उपसमुहको सून्य दशमलब ७६ प्रतिशत, निर्जीवन बीमा उपसमुहको सून्य दशमलब ०२ प्रतिशत र अन्य उपसमुहको सून्य दशमलब २१ प्रतिशतले सेयर मुल्य घटेको छ ।
सप्तकोशी विकास बैंकको सेयर मूल्य सबैभन्दा धेरै ८ दशमलब ४५ प्रतिशतले घटेको छ । युनिभर्सल पावरको ४ दशमलब ८० प्रतिशत, त्रिशुली जलविद्युतको ४ दशमलब ७९ प्रतिशतले घट्यो ।
यसदिन दुई कम्पनी नेपाल माइक्रो इन्स्योरेन्स र क्रेस्ट माइक्रोलाइफ इन्स्योरेन्सको मूल्य १० प्रतिशत बढ्यो । त्यस्तै, मध्यभोटेकोशी हाइड्रोपावरको ७ दशमलब ६२ प्रतिशत, ग्रिन डेभलपमेन्ट बैंकको ६ दशमलब ९७ प्रतिशत, मानुषी लघुवित्तको ५ दशमलब ७९ प्रतिशतले सयेर मूल्य बढेको छ ।
सोमबार सबैभन्दा धेरै कारोबार भएका कम्पनीहरुमा ङादी ग्रुप पावर, राधि विद्युत्, युनिभर्सल पावर, एचआईडीसीएल प्रमोटर र सानिमा माइ हाइड्रोपावर क्रमशः अगाडि रहेको छ ।