२५ फागुन/अर्थ र व्यापार– यस साताको पहिलो दिन आइतबार सेयर बजारमा भारी अंकको गिरावट आएको छ । अघिल्लो दिनको तुलनामा यसदिन नेप्से परिसूचक ४६ दशमलब ३३ अंकले घटेर २७ सय ७२ दशमलब १० विन्दुमा आइपुगेको छ ।
यसअघिका चार कारोबार दिनहरुमा पनि नेप्से लगातार घटेको थियो । यसदिन कारोबार रकम पनि केही घटेको । अघिल्लो दिन १० अर्ब १० करोडको कारोबार भएकोमा यसदिन १० अर्ब ९ करोड ३६ लाख ५४ हजार १ सय २९ रुपैयाँको सेयर कारोबार भएको छ । कुल २ सय १७ वटा कम्पनीको सेयर मूल्य घटेको छ । २ वटाको स्थिर रह्यो भने जम्मा २४ वटा कम्पनीको सेयर मुल्य बढेको छ ।
यस दिन विभिन्न १३ वटा उपसमुह मध्ये सबै उपसमुहको सेयर सूचक घटेका छन् । अन्य उपसमुहको सेयर मुल्य सबैभन्दा धेरै २ दशमलब ६९ प्रतिशतले घटेको छ । दुई पुनर्बीमा कम्पनी हिमालयन रि र नेपाल पुनर्बीमाको मूल्यमा आएको गिरावटले समग्र सो उपसमुह लाई बढी प्रभाव पारेको देखिएको छ ।
यसैगरी, बैंकिङ उपसमुहको सेयर मुल्य १ दशमलब ३६ प्रतिशत, विकास बैंक उपसमुहको १दशमलब ७१ प्रतिशत, फाइनान्स उपसमुहको १ दशमलब ८७ प्रतिशत, हाइड्रोपावर उपसमुहको १ दशमलब ६६ प्रतिशत, लगानी उपसमुहको २ दशमलब ४९ प्रतिशत,जीवन बीमा उपसमुहको १ दशमलब ७४ प्रतिशत, उत्पादन उपसमुहको सुन्य दशमलब ९१ प्रतिशत, माइक्रोफाइनान्स उपसमुहको सेयर मुल्य १ दशमलब ५८ प्रतिशत, निर्जीवन बीमा उपसमुहको १ दशमलब २६ प्रतिशत, अन्य उपसमुहको २ दशमलब ६९ प्रतिशत र व्यापार उपसमुहको सुन्य दशमलब ८१ प्रतिशतले घटेको छ ।
यसदिन पनि गार्डियन माइक्रोलाइफ इन्स्योरेन्स र भूगोल इनर्जीको सेयर मूल्य १० प्रतिशतले बढ्यो । त्यसपछि बढेका अरु कम्पनीको सयेर मुल्य वृद्धिदर ४ प्रतिशत भन्दा तल नै हरेका छन् ।
आइतबार उपकार लघुवित्त र सिन्धु विकास बैंकको सेयर मूल्य १० प्रतिशतले घटेको छ । राप्ती हाइड्रोपावरको ९ दशमलब ८७ प्रतिशत, समाज लघुवित्तको ७ दशमलब २८ प्रतिशत र सगरमाथा जलविद्युत् कम्पनीको सेयर मूल्य ५ दशमलब २८ प्रतिशतले घटेको छ । हिमालयन रि इन्स्योरेन्सको सर्वाधिक १ अर्ब १२ करोडको सेयर कारोबार भएको छ । त्यसपछि कारोबारका आधारमा नेपाल पुनर्बीमा कम्पनी , एनआरएन इन्फ्रास्ट्रक्चर, गार्डियन माइक्रोलाइफ इन्स्योरेन्स र सीईडीबी होल्डिङ्स क्रमशः अगाडि रहेको छ ।