११ पुस/अर्थ र व्यापार – यस साताको अन्तिम कारोबार दिन बिहीबार सेयर बजार सामान्य अंकले बढेको छ । यसदिन कारोबार सुरुवातिदेखि नै लगातार उत्तारचढाव भईरहेको सेयर बजार परिसूचक (नेप्से) अन्तिम समयमा आएर ४ दशमलब १९ अंकले बढेर २६ सय ३० विन्दुमा आइपुगेको छ।
यसदिन कुल ३ सय १० वटा कम्पनीका २ करोड ९ लाख ७८ हजार बढी कित्ता सेयर खरिदविक्री हुँदा कारोबार रकम ५ अर्ब ३२ करोड ९२ लाख माथि पुगेको छ । यसदिन कारोबारमा आएकामध्ये बैंकिङ, लगानी, लघुवित्त र व्यापार उपसमुहको सेयर मुल्य बढेको छ । यि उपसमुह बाहेक सबै उपसमुहका परिसुचक ओरालो लागेका छन् ।
बिहीबार १ सय ६३ कम्पनीको सेयरमूल्य घट्दा ७० वटा कम्पनीको सेयरमूल्यमा वृद्धि देखिएको छ । ९ वटाको स्थिर रहेको छ । बिहीबार सेयर मुल्य बढेका कम्पनीहरु मध्ये आत्मनिर्भर लघुवित्त र सपोर्ट माइक्रोफाइनान्सको सेयरमुल्यमा सकारात्मक सर्किट लागेको छ ।
यसदिन बैंकिङ उपसमुहको आकर्षणले सेयर बढाएको हो । अधिकांश कम्पनीको सेयर मूल्य घटे पनि बजारको परिसूचक नेप्से बैंकिङ क्षेत्रसँगै बढेको हो । अघिल्लो दिनको तुलनामा नेप्से परिसूचकसँगै कारोबार रकम पनि केही बढेको छ । अघिल्लो दिन ५ अर्ब २० करोड रुपैयाँको सेयर कारोबार भएको थियो ।
यसदिन व्यापार उपसमुहको २ दशमलब ३१ प्रतिशत, माइक्रोफाइनान्स उपसमुहको शून्य दशमलब १४ प्रतिशत र लगानी उपसमूहको शून्य दशमलब २७ प्रतिशतले सेयर मुल्य बढेको छ ।
आत्मनिर्भर र सपोर्ट माइक्रोफाइनान्सको सेयर मूल्य १० प्रतिशतले बढ्यो । गुराँस लघुवित्तको ७ दशमलब ३२ प्रतिशत, प्रभु बैंकको ५ दशमलब ८ प्रतिशत , कुथेली बुखरी स्मल हाइड्रोपावरको ५ दशमलब ०५ प्रतिशतले सेयर मूल्य बढेको छ ।
यसैगरी, वाणिज्य बैंकहरूमा एनआईएमबी बैंक, ग्लोबल आईएमई बैंक, कुमारी बैंक, नेपाल एसबीआई बैंक, कृषि विकास बैंक, हिमालयन बैंक र नेपाल बैंक रहेका छन् । कारोबार रकमका आधारमा प्रभु बैंक, जानकी फाइनान्स, सपोर्ट माइक्रोफाइनान्स, कुमारी बैंक र सप्तकोशी विकास बैंक क्रमशः अगाडि रहेको छ ।
बिहीबार विकास बैंकका लगानीकर्ता केही शशंकित देखिएका छन् । अघिल्लो दिन समस्याग्रस्त घोषणा भएको कर्णाली विकास बैंकको सेयर कारोबार रोक्का भएपछि यसदिन कमजोर अवस्था रहेका विकास बैंकको मूल्य उच्च दरले घटेको छ ।
कर्पोरेट डेभलपमेन्ट बैंक, नारायणी डेभलपमेन्ट बैंक, सिन्धु विकास बैंकको मूल्य १० प्रतिशत घट्यो । जोशी हाइड्रोपावरको ९ दशमलब ९ प्रतिशत, सप्तकोशी विकास बैंकको मूल्य ९ दशमलब ४ प्रतिशतले सेयर मुल्य घट्यो । ग्रीन डेभलपमेन्ट बैंकको ८ दशमलब ४ प्रतिशत , एक्सल डेभलपमेन्ट बैंकको ४दशमलब ४ प्रतिशत र मितेरी डेभलपमेन्ट बैंकको ३ दशमलब ५ प्रतिशतले सेयर मूल्य घटेको छ ।
यसैगरी, विकास बैंक उपसमुहको २ दशमलब ४८प्रतिशत , फाइनान्स उपसमुहको २ दशमलब ७० प्रतिशत, होटल तथा पर्यटन उपसमुहको शून्य दशमलब ७८प्रतिशत, हाइड्रोपावर उपसमुहको १ दशमलब २८ प्रतिशत, जीवन बीमा उपसमुहको शूनय दशमलब ३० प्रतिशत, उत्पादन उपसमुहको शून्य दशमलब ०८ प्रतिशत, निर्जीवन बीमा उपसमुहको शूनय दशमलब २६ प्रतिशत र अन्य उपसमूहको शूनय दशमलब १६ प्रतिशतले सेयर मुल्य घटेको छ ।