सामान्य अंकले घट्यो सेयर बजार

221 पटक पढिएको

१६ मंसिर/अर्थ र व्यापार – नेपाल राष्ट्र बैंकले सार्वजनिक गरेको मौद्रिक नीतिको समीक्षापछि आइतबार सेयर बजार ९ दहमलब ९९ अंक घटेको छ । यो गिरावटसँगै सेयर बजारको परिसूचक नेप्से २७ सय ३८ विन्दुमा झरेको छ । यस मौद्रिक नीतिको समीक्षामार्फत कुनै पनि नीतिगत व्यवस्था फेर बदल गरिएको थिएन । तैपनि सेयर बजारमा यसको केही प्रभाव परेको देखिन्छ ।
यसदिन अघिल्लो दिनको भन्दा कारोबार रकम भने केही बढेको छ । आइतबार, कुल ८ अर्ब ८३ करोड रुपैयाँको सेयर कारोबार भएको छ । गत बिहीबार जम्मा ८ अर्ब ५४ करोड रुपैयाँको सेयर कारोबार भएको थियो ।
यसदिन ६३ वटाकम्पनीको मूल्य बढ्दा १सय ७८ वटाको घटेको छ । ३ वटाको स्थिर रह्यो । विकास बैंक समूहमा लगानीकर्ताको आकर्षण देखिएको छ । विकासबैंक उप समूह ४दशमलब ५ प्रतिशत बढ्यो । त्यस्तै व्यापार समूह ९ प्रतिशत बढ्यो । विशाल बजार कम्पनीको मूल्य १० प्रतिशत बढेकै कारण व्यापार समूहमा उच्च वृद्धि देखिएको छ । होटल तथा पर्यटन समूह ०.३० प्रतिशत बढ्यो ।
विशाल बजार कम्पनीका अलवा कर्पोरेट डेभलपमेन्ट बैंक, सिन्धु विकास बैंक, ग्रीन डेभलपमेन्ट बैंक, सप्तकोशी विकास बैंकको मूल्य १० प्रतिशत बढ्यो । एक्सल डेभलपमेन्ट बैंकको ९.६, सपोर्ट माइक्रोफाइनान्सको ९.४, मितेरी विकास बैंकको ७.६ र इमर्जिङ नेपालको ७.५ प्रतिशत मूल्य बढ्यो ।
बैंकिङ १.४७, फाइनान्स २.९६, हाइड्रोपावर १.१४, लगानी १.१५, जीवन बीमा १.३५, उत्पादन ०.५७, माइक्रोफाइनान्स ०.९२, निर्जीवन बीमा ०.०१ र अन्य समूह १.३५ प्रतिशत घटेको छ ।
जानकी फाइनान्सको मूल्य १० प्रतिशत घट्यो । नेपाल फाइनान्सको ९.१, उपकार लघुवित्तको ५.४, लाइफ इन्स्योरेन्स कर्पोरेसनको ४.६ तथा मानुषी लघुवित्तको ४.१ प्रतिशत मूल्य घट्यो । कारोबार रकमका आधार एक्सल डेभलपमेन्ट बैंक, एनआरएन इन्फ्रास्ट्रक्चर, नेपाल फाइनान्स, मितेरी विकास बैंक तथा ङादी ग्रुप पावर क्रमशः अगाडि रहेको छ ।

तपाईको प्रतिक्रिया

सम्बन्धित शीर्षकहरु