२३ भदौ / अर्थ र व्यापार- गैर आवासीय नेपाली संघ युएईको सातौँ महाधिबेशन आगामी ३० भदौमा देइरा स्थित काल्टन टावरमा हुने भएको छ । युरोप तथा मध्य पूर्वका देशहरु लगायतमा फैलिएको गैर आवासीय नेपाली संघ (एनआरएन) एक सामाजिक संस्थाका रुपमा परिचित छ र संस्थाले नेपालमा धेरै कामहरु समेत गरेको छ । पछिल्लो समयमा युरोपका देशहरुमा जति चर्चा एनआरएनको हुन्छ, त्यो भन्दा बढी चर्चा मध्य पूर्वका खाडी देशहरुमा हुन थालेको छ ।

यतिबेला खाडी देशहरु मध्ये युएईमा एनआरएन एनसिसी को १५ सेप्टेम्बर २०१७ मा सम्पन्न हुने सातौं महाधिवेशनको चर्चा चुलिएको छ । महाधिवेशनका लागि गठित निर्वाचन समितिले पुँजिकृत सदस्यहरू, अधिवेशन प्रतिनिधि र अधिवेशनका लागि आवश्यक तालिका सार्वजनिक गरेको छ । जस अन्तर्गत पुँजिकृत सदस्य २,५४० जना र युएईका विभिन्न क्षेत्र बाट प्रतिनिधित्व गर्ने गरी कार्यसमिति, विशेष समिति, सल्लाहकार गरी २८७ जना महाधिवेशन प्रतिनिधिहरूको नाम पनि सार्वजनिक गरेको छ । ५ सेप्टेम्बर २०१७ मा निर्वाचन समितिले प्रकाशित गरेको निर्वाचन प्रक्रिया सँगै युएईमा अरु निर्वाचन सरगर्मी बढेको छ ।

सन २०१७ देखि २०१९ सम्मको दुई वर्षे कार्यकालका लागी वर्तमान कार्यसमितीका उपाध्यक्ष रमेश श्रेष्ठले अध्यक्षमा आफ्नो उम्मेद्वारी घोषणा गरेका छन भने युएईमा लामो समय सम्म रहेर सामाजिक कार्यमा सक्रिय रहेका सालिक सुवेदी ले पनि अध्यक्षका निमित्त  उम्मेद्वारी घोषणा गरेका छन । अध्यक्षका प्रत्याशी रमेश श्रेष्ठले आफ्नो वर्तमान कार्यकालमा पुरा हुन नसकेका कार्यलाई पुरा गर्ने र सबै तह र तप्कालाई साथमा लिएर एनआरएन लाई नयाँ उचाइमा पु¥याउने चुनावी एजेन्डा अघि सारेका छन भने अर्का प्रत्याशी सालिक सुवेदीले युएईमा सबैका निमित्त सामुदायिक भवन निर्माण गर्ने योजना सँगै एनआरएन लाई विवादमुक्त संस्था बनाउने एजेन्डा अघि सारेका छन ।

उम्मेदवारका आकांक्षी मध्ये सालिक सुवेदी र वर्तमान एनआरएन एनसिसीका युथ को अर्डिनेटर निश्चल तिर्थ दाहाल महासचिवमा प्रत्यासी रहने गरि विभिन्न संघ, संस्था तथा समर्थकको साथमा स्वतन्त्र बाट चुनाव लडने बुझिएको छ भने अर्का अध्यक्षका प्रत्यासी रमेश श्रेष्ठ प्रमुख राजनीतिक संगठनहरुको गठबन्धनमा सहमति गरेर चुनाव लडने बुझिएको छ ।

अध्यक्ष रमेश श्रेष्ठ समुहको उपाध्यक्षमा बालकृष्ण मरासिनि,सचिवमा मिलन गुरुङ,सह कोषाध्यक्ष निरन्जन सिलवाल, ईभेन्ट को अर्डिनेटर मिटिङले बनाउने गरि सदस्य शम्सेर योन्जन,ओम प्रकास उप्रेती,सदस्य जीवनदास र मोहन  सिवाकोटी रहेका छन ।