पहिलो चौमासमा महानगरको विकास खर्च ३३ करोड, प्रशासनिक खर्च ६२ करोड
८ पुस/अर्थ र व्यापार– काठमाडौं महानगरपालिकाको चालु आर्थिक वर्षको पहिलो चौमासिक अवधिमा पूर्वाधार विकासतर्फको खर्च निरासाजनक देखिएको छ ।
चालु आवमा १४ अर्ब २६ करोड बजेट ल्याएको काठमाडौं महानगरपालिकाले पहिलो चौमासमा जम्मा १ अर्ब ४० करोड रुपैयाँ मात्रै खर्च गरेको छ । यो रकम कुल विनियोजनको ९.८६ प्रतिशत हो ।
चालु आवको लागि महानगरले पूर्वाधार विकासका लागि जम्मा ७ अर्ब ८४ करोड ६७ लाख बजेट विनियोजन गरेकोमा पहिलो चौमासमा पूर्वाधार विकासतर्फ ३२ करोड ९४ लाख मात्रै खर्च गरेको छ । जुन विकासतर्फ विनियोजित कुल बजेटको ३.४८ प्रतिशत मात्रै हो ।
महानगरपालिकाले विकासका लागि उच्च दरमा बजेट विनियोजन गरेपनि खर्च गर्न नसक्दा पहिलो चार महिनामा विकासतर्फको खर्च अत्यन्तै निराशाजनक देखिएको छ ।
महानगरपालिकाका प्रवक्ता इश्वरमान डंगोलले टेन्डर स्वीकृत गर्नै २ महिना लाग्ने भएकाले पहिलो चौमाकिसमा विकासतर्फको खर्च कमजोर भएको बताए । उनले अहिलेसम्म यो वर्षका लागि छनोट भएका ५० देखि ६० प्रतिशत आयोजनाको ठेक्का लागिसकेकोले अबका चौमासिक खर्चमा लक्ष्यअनुसार नै खर्च गर्न सकिने बताए ।
यसैगरी, चालु आवको लागि महानगरपालिकाले प्रशासनिक खर्च शीर्षकमा १ अर्ब ८६ करोड रुपैयाँ ३७ लाख विनियोजन गरेको छ । जसअनुसार प्रशासनिक खर्चतर्फ पहिलो चौमासमा ६२ करोड ३२ लाख खर्च गरेको छ । यो प्रशासनिक खर्चतर्फ कुल विनियोजित बजेटको ३३.४४ प्रतिशत हो ।
विकासतर्फ मात्र नभएर काठमाडौं महानगरपालिका आर्थिक विकास, सामाजिक विकास र सुशासन तथा अन्तर सम्बन्धित क्षेत्रमा पनि वजेट खर्च गर्ने सन्दर्भमा निकै कमजोर देखिएको छ ।
महानगरपालिकाले यो वर्ष सुशासन र अन्तरसम्बन्धित क्षत्रेका लागि भनेर १ अर्ब ८ करोड छुट्याइएकोमा पहिलो चौमासमा ३ करोड ७९ लाख रुपैयाँ मात्रै खर्च गर्न सकेको छ । यो कुल विनियोजित बजेटको ३. ४८ प्रतिशत मात्रै हो ।
यसैगरी, पहिलो चौमासिक अवधिमा आर्थिक विकास शीर्षकमा ३ करोड ६९ लाख खर्च भएको छ । यो शीर्षकमा चार महिनामा ४.३९ प्रतिशत मात्रै बजेट खर्च भएको छ । महानगरले आर्थिक विकासमा लागि ८४ करोड ३० लाख रुपैयाँ विनियोजन गरेको थियो ।
यस्तै, सामाजिक विकासका लागि २ अर्ब ६२ करोड विनियोजन भएकोमा ४ महिनामा ३७ करोड ८२ लाख मात्रै खर्च भएको छ । यो विनियोजनको १४.४२ प्रतिशत मात्रै हो ।
पहिलो चौमासिक अवधिमा महानगरपालिकाले सहायता शीर्षकमा २ करोड २० लाख रकम विभिन्न व्यक्ति तथा संघ संस्थालाई बाँडेको छ ।
सम्बन्धित शीर्षकहरु
मुख्य खबर
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया