२२ पुस/ अर्थ र व्यापार  - प्रधानमन्त्री केपी शर्मा ओलीले चालु आर्थिक वर्षमा मुलुकको आर्थिक बृद्धिदर ८ प्रतिशत पुग्ने दावी गरेका छन् । संसदको हिउँदे अधिवेसनमा सम्बोधन गर्दै प्रधानमन्त्री ओलीले मुलकको आर्थिक सूचकाकंहरु सबै सकारात्मक बताए । सरकारका कामकारबाही बारेमा बिभिन्न आलोचना र बहस भई रहेको बेला आफू तर्क र बहसमा समय नर्खचने भन्दै सम्बोधन सुरु गरेका प्रधानमन्त्रीले सरकारले गरेका प्रगतिको फेहरिस्त प्रस्तुत गरे ।

उनले आफु कुनै तर्क र बहश गर्न आज आएको होइन सरकारको नीति तथा कार्याक्रम, बजेट, प्राप्त उपलब्धिको बारेमा सदनलाई जानकारी गराउन आएको बताए । प्रधानमन्त्रीले संसदमा जानकारी गराए अनुसार गत वर्षको यहि समयको तुलनामा राजश्व संकलन ३२ प्रतिशतले बृद्धि भएको छ भने सरकारी खर्च ३४ बाट झरेर १४ प्रतिशतमा पुगेको छ । मूल्य बृद्धि ४.२ बाट घटेर ३.७ प्रतिशत कायम रहेकोे छ भने कुल वैदेशिक सहयोगमा १६२.७२ प्रतिशतले बृद्धि भएको छ । प्रधानमन्त्रीका अनुसार अनुसार उद्योग दर्ता गर्ने क्रम गत वर्षको तुलनामा १३ प्रतिशतले बढेको छ ।

बैंक तथा वित्तिय संस्थाहरुले १७.९ प्रतिशतले नक्षेप बढाएको बताउँदै प्रधानमन्त्री ओलीले उत्पादनशित क्षेत्रमा गरिएको लगानी पनि गत वर्षको तुलनामा बढेको छ । गत वर्ष १३.४ प्रतिशतमा रहेको उक्त लगानी अहिले ३२.३ प्रतिशतले बढेको छ ।
प्रधानमन्त्रीका दिएको जानकारी अनुसार परियोजनाहरुमा वैदेशिक लगानी २५ प्रतिशतले बढेको छ । देशको समग्र निर्यात १२.३ प्रतिशतले बढेको प्रधानमन्त्रीको दावी छ । निर्माण सामाग्री तथा औद्यौगिक औजारको आयतले सोधानन्तर बचत केही कम भए पनि विस्तारै बढ्दै जाने प्रधानमन्त्रीको विश्वास थियो ।

प्रधानमन्त्री ओलीले सन् २०१९ को जुन भित्र लुम्बीनी अन्तराष्ट्रिय विमानस्थलमा परिक्षण उडान गरिने र ६ महिना भित्रै पोखरा अन्तराष्ट्रिय विमानस्थलको धावन मार्ग पीच गरिने जानकारी दिए । भेरी डाईभर्सन परियोजनामा २ किलोमिटर मात्रै सुरुङ खन्न बाँकी रहेको जानकारी दिदै प्रधानमन्त्री ओलीले भेरी ववाई परियोजनाबाट २६ हजार हेक्टर जमिन सिंचाई भई रहेको बताए ।
फाष्ट ट्रयाकमा उत्साहजनक प्रगती भएको बताएका प्रधानमन्त्रीले मेलम्चीमा देखिएको समस्या समाधान गर्न सरकार लागि परेको बताए । सरकारले रेल र पानीजहाज सञ्चालनका लागि सबै प्रक्रिया तिब्र गतिमा अघी बढाइएको भन्दै टिकट काट्नका लागि सरकारले सार्वजनिक सूचना जारी गर्ने प्रधानमन्त्रीको भनाई थियो ।