३० ज्येष्ठ  / अर्थ र व्यापार- किवानिज इन्टरनेशनल नेपाल अन्र्तगत डिभिजन–४ मा रहेको किवानिज क्लब अफ मनकामना नेपालले राइनस–९, लम्जुङको ग्रामीण भेगको एक सरकारी स्कुलमा विद्यालय  पोशाक, झोला लगायत अन्य शैक्षिक सामग्रीहरु वितरण गरेको छ ।

किवानिज क्लब अफ मनकामना नेपालका संस्थापक अध्यक्ष शम्सेर पराजुलीको नेतृत्वमा आवश्यक सहयोग रकम जुटाएर उनकै नेतृत्वमा गत जेठ २८ गते मंगलबार किवानिज नेपाल र मनकामना टिम श्री शान्ति देबी प्रा बि, राइनस–९, लम्जुङ पुगेर सहयोग हस्तान्तरण गरे । सो कार्यक्रममा किवानिज किवानिज इन्टरनेशनल नेपालको तर्फबाट सचिब लक्ष्मण लम्साल, किवानिज क्लब अफ मनकामनाका अध्यक्ष शम्सेर पराजुली, कोषाध्यक्ष सुरेश अधिकारी, सहसचिब सुर्य बहादुर थापा र सदस्य घनश्याम शर्माको उपस्थिति थियो । त्यसका साथै राइनस–९ लम्जुङका वड़ाध्वक्ष देब बहादुर थापा, समाजबादी पार्टीका नेता राजु थापा, बिद्यालय व्यवस्थापन समितिका अध्यक्ष श्रीराम धिताल लगायत विद्यार्थीहरु र तिनीहरुका अभिभावक,शिक्षक तथा शिक्षिकाहरुको उपस्थितिमा शैक्षिक सामग्री बितरण गरिएको थियो ।

किवानिज इन्टरनेशनल नेपालका सचिब लक्ष्मण लम्सालले किवानिज बारे जानकारी दिएका थिए भने किवानिज क्लब अफ मनकामनाका अध्यक्ष शम्सेर पराजुलीले शैक्षिक सामग्री वितरण बारे जानकारी दिएका थिए । वड़ाध्यक्ष देब बहादुर थापा, समाजबादी पार्टीका नेता राजु थापा, बिद्यालय व्यबस्थापन समितिका अध्यक्ष श्रीराम धिताल र बिद्यालयका प्रअ कृष्ण बहादुर आले मगरले सहयोगको लागि किवानिज नेपाल,मनकामना नेपाल र प्रतिनिधिहरुलाई बिशेष धन्यबाद प्रकट गरेका थिए ।
बिद्यालयको ३५ जना विद्यार्थीहरुको लागी २ जोर स्कुल ड्रेस, १ स्कुल झोला, टाई, बेल्ट, कापी, कलम र सिशाकलम लगायत अन्य शैक्षिक सामग्री वितरण गरिएको थियो । किवानिज क्लब अफ मनकामनाका अध्यक्ष शम्सेर पराजुलीले केही समयमा राइनस–०९ कै एक सरकारी स्कुलका बिद्यार्थीहरुलाई शैक्षिक सामग्री वितरण कार्यक्रम रहेको जानकारी दिए । यसअघि किवानिज चिल्ड्रेन फण्ड नेपालले बारा, पर्साका हुरी पिडित ४०० बालबालिकाहरुलाई आवश्यक सम्पूर्ण सामग्री प्रदान गरेको थियो ।

बिश्व परिचित संस्था किवानिज इन्टरनेशनल नेपालमा पनि किवानिज इन्टरनेशनल नेपाल नाम रही २०१५ मा स्थापना भई बालबालिकाको क्षेत्रमा उल्लेख्य कामहरु गरिरहेको पराजुलीले वताए ।