४ पर्यटकीय गन्तव्यमा बन्ने रिसोर्टमा विदेशी लगानी खोजिने
५ मंसिर / अर्थ र व्यापार - नेपाल पर्यटन बोर्डले ल्याएको ‘लोन्ली इको रिसोर्ट’को अवधारणामा विदेशी लगानी खोजिने भएको छ । बोर्डले चालु आर्थिक वर्षको बजेटमा विभिन्न चार पर्यटकीय गन्तव्यमा रिसोर्ट खोली सञ्चालन गर्ने अवधारणा समेटेको थियो ।
चालु आवभित्रै कम्तीमा रिसोर्ट सञ्चालनको मोडालिटी तयार गर्ने सरकारको तयारी छ । बोर्डका निर्देशक मणिराज लामिछानेले इको रिसोर्ट सञ्चालनको मोडालिटी तय गर्न बुधबारबाट सरोकारवालासँग छलफल थालिएको बताए । तारागाउँ विकास बोर्डका सदस्यसँग बुधबार बोर्डले छलफल गरेको छ । अब छिट्टै लगानी बोर्डसँग छलफल गर्ने तयारी भएको उनले जानकारी दिए ।
‘हामीले विभिन्न स्थानमा खुल्ने इको रिसोर्टका लागि विदेशी लगानीको अपेक्षा गरेका छौं’, निर्देशक लामिछानेले भने, ‘उक्त सम्भावना खोज्न लगानी बोर्डसँग छलफल गर्दैछौं ।’
बोर्डले व्यावसायिक रूपमा आतिथ्य सेवा नपुगेको र कानूनी हिसाबले पनि खोल्न नमिल्ने स्थानमा पर्यटकको सुविधाका लागि पर्यावरणमैत्री रिसोर्ट स्थापनाको अवधारणा ल्याएको छ । ताप्लेजुङको पाथिभरा, मुगुको रारा, डोल्पाको से–फोक्सुन्डो र सुदूरपश्चिमको खप्तडमा लोन्ली रिसोर्ट निर्माण तथा सञ्चालनको योजना रहेको छ । यस वर्ष लोन्ली इको–रिसोर्ट सञ्चालनसम्बन्धी मोडालिटी निर्धारणको प्रतिवेदन तयार गरिने बोर्डको बजेटमा उल्लेख छ ।
यस्ता रिसोर्टहरूमा संघ, प्रदेश र स्थानीय सबै तहको सहभागिता निश्चित गरी अपनत्व लिने वातावरण बनाइने भएको छ । यसका साथै निजी क्षेत्रसमेत सहभागी हुन सक्ने गरी रिसोर्ट सञ्चालनको मोडालिटी बन्ने छ । यी गन्तव्य राष्ट्रिय निकुन्ज तथा संरक्षित क्षेत्रभित्र पर्छन् । यहाँ निजी क्षेत्रले आफू–खुसी संरचना बनाउन सक्दैन । तर, यहाँ पर्यटकको आगमन भने निरन्तर बढ्दो छ ।
पर्यटकलाई सुविधा दिन अत्यावश्यक होटेल तथा रिसोर्ट सुविधाको माग पनि उत्तिकै रहेको छ । यही आवश्यकता पूरा गर्न इको रिसोर्ट सञ्चालनको निष्कर्षमा बोर्ड पुगेको हो । वातावारण संरक्षण गर्दै पर्यावरणमैत्री संरचना निर्माण गर्ने र पर्यटकलाई सेवा सुविधा दिने गरी मोडालिटी तयार पारिने निर्देशक लामिछानेले जानकारी दिए ।
सम्बन्धित शीर्षकहरु
मुख्य खबर
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया