१ पुस/अर्थ र व्यापार – जनताको चाहना राजनितिक स्थिरता, विकास र समृद्धि रहेपनि देशले अझै सहि दिशा समाउन सकेको छैन । कुनै न कुनै रुपमा देशमा राजनीतिक एजेण्डाहरु नै प्राथमिकतामा छन ।
अर्कोतिर सन् २०१९ को अन्त्यतिर वाट विश्वभर फैलिएको कोरोना भाईरस र त्यसवाट उत्पन्न असहज परिस्थितिका कारण देशको अर्थतन्त्रमा देखिएको संकट यथावतै छ, संकट झन गहिरिएको जस्तो देखिन्छ । तर, भर्खरै तिनै तहको निर्वाचन सम्पन्न भएको छ र राजनितिक दलहरु सरकार बनाउने तयारीमा छन । नयाँ सरकार बन्ला र देशको अर्थतन्त्रमा देखिएका समस्याहरुको समाधानका लागी अब बन्ने नयाँ सरकारले उचित रणनितिहरु लिनेछ भन्ने आशा भने गर्न सकिन्छ ।
अर्थतन्त्रका लागी गत वर्ष त्यति अनुकुल नरहेको अवस्थामा पनि प्वाईन्ट मिडिया प्रा.लि द्धारा प्रकाशित यस अर्थ र व्यापार साप्ताहिकले आफ्नो प्रकाशनको एघार वर्ष पुरा गर्दै बाह्रौ वर्षमा प्रवेश गरेको छ । यस बाह्र वर्षको अनुभवले हामीलाई अझ वढि जिम्मेवार, सत्य र निष्पक्ष समाचार र विचार सम्प्रेषणका लागी थप जिम्मेवारी बोध भएको छ ।

यसका साथै हामीले अर्थ र व्यापारको अनलाईन संस्करण arthabyapar.com आर्थिक अनलाईन पनि सञ्चालन गर्दै आएका छौं । समृद्धि बहस कार्यक्रम मार्फत मुलुकको अर्थराजनीतिक क्षेत्रमा बहस पनि हामीले सञ्चालन गर्दै आईरहेका छौं । समय,प्रविधि र पाठकहरुको चाहनामा आएको परिवर्तनलाई मनन गर्दै हामीले अब हाम्रो यात्रालाई डिजिटल तर्फ अझ प्रभावकारी ढंगले अगाडी बढाउने प्रण गरेका छौं । अवको नेपालको आर्थिक पत्रकारिता मुलुकको समृद्धिका लागी हुनेछ र हुनुपर्छ भन्नेमा हामी स्पष्ट छौं ।
अर्थ र व्यापार साप्ताहिकले बाह्र वर्ष प्रवेश गरेको अवसरमा हामी हाम्रा सम्पूर्ण पत्रकार, कर्मचारी तथा वितरण विभागका सम्पूर्ण सहकर्मीहरुलाई हार्दिक धन्यवाद ज्ञापन गर्दछौं । त्यसका साथै हाम्रा आदरणीय पाठकवर्ग, विज्ञापनदाता तथा शुभचिन्तकहरुलाई पनि हार्दिक धन्यवाद ज्ञापन गर्दछौं ।
अर्थ र व्यापारको बाह्र वर्ष प्रवेशको अवसरमा अर्थ र व्यापारले आगामी दिनमा पस्कने सामग्रीहरुलाई अझ परिष्कृत र विश्लेषणात्मक बनाउने जिम्मेवारीवोध पनि हामीलाई भएको छ । त्यसका साथै मुलुकको आर्थिक विकास र समृद्धिका लागी अर्थतन्त्रमैत्री वातावरण निर्माण, लगानीमैत्री वातावरण निर्माण, समयानुकुल निति निर्माण तर्जुमा गर्ने वातावरण निर्माण गर्ने तथा मुलुकमा भएका सम्भावनाहरुको उजागर गर्दै विकृति र विसंगतिहरुको पर्दाफास गर्न अर्थ र व्यापार पत्रकारिताकै माध्यमवाट सदैव लागीरहने प्रतिवद्धता पुनः व्यक्त गर्दछौं । त्यसका साथै आम जनताका सरोकारका विषय लाई पनि हामी विगत जस्तै सदैव उठाईरहने छौं र आवाजविहिनहरुको आवाज बनि नै रहनेछौं ।

                                                                                                                           प्वाईन्ट मिडिया प्रा.लि.