अदालतले साधारण सभा गर्न आदेश दिएपछि सनराइज बैंकले बोलायो साधारण सभा
११ मंसिर / अर्थ र व्यापार - सनराइज बैंकले आगामी पुस ३ गते अमृतभोग क्याटरर्स, कालिकास्थानमा दशौँ वार्षिक साधारण सभा गर्ने भएको छ । उच्च अदालत पाटनले साधरण सभा स्थगित गर्न जारी गरेको आदेश खारेज गरी पाउँ भनि बैंकले दायर गरेको निवेदन उपर सुनुवाई गर्दै अदालतले साधारण सभा गर्ने बाटो खोलिदिएको हो । तर अदालतले बैंकलाई केही शर्त भने तोकेको छ ।
सञ्चालक चयनको विवाद अदालतसम्म पुगे पछि बैंकले यसअधि गत कात्तिक ३० गते बोलाएको साधारणसभा उच्च अदालतकै कात्तिक १९ गतेको आदेशबाट रोकिएको थियो । बैंकले कात्तिक १९ गते भएको आदेश खारेज गरी पाउँ भनि अदालतमा कात्तिक २७ गते निवेदन दायर गरेको थियो । सो निवेदन उपर सुनुवाई गर्दै अदालतको संयुक्त इजलासबाट मंसिर ७ गते पूर्ववत अन्तरिम आदेश खारेज गरिरहनु देखिन आएन भन्ने आदेशपछि बैंकले पुष ३ गते साधारण सभा गर्न लागेको हो । तर बैंकले अदालतको आदेश अनुसार यस साधारणसभाबाट संस्थापक शेयरधनीको समूहबाट संचालक निर्वाचन नगर्ने जनाएको छ । सभामा संस्थापक समूहको शेयरधनीबाट संचालक निर्वाचन गर्ने विषयलाई स्थगित गरी अन्य बाँकी प्रस्तावहरु भने पारित गरिनेछ ।
अदालतले संस्थापक संचालकको निर्वाचन गर्ने बिषयलाई स्थगित गर्न आदेश गरेपनि बैंकले प्रकाशित गरेको साधारण सभामाको सूचनामा निर्वाचनका सबै कार्यक्रम स्थगित भएको उल्लेख गरिएको छ । बैंकले यस अघि बोलाएको साधारण सभाबाट बाफियाले गरेको व्यवस्था अनुसार ७ जना सञ्चालक चयन गर्दै थियो । ३ जना संस्थापक, ३ जना सर्वसाधारण र १ जना विशेषज्ञ सञ्चालक चयन गर्ने क्रममा संस्थापकतर्फको सञ्चालकका सम्बन्धमा उत्पन्न भएको विवाद अदातलसम्म पुगेको थियो ।
पुष ३ गते हुने बैंकको साधारणसभाले १५ प्रतिशत बोनस सेयर बितरण गर्ने प्रस्ताब समेत पारित गर्नेछ । बैंकले प्रस्ताव गरेको बोनसको सेयर मूल्य नेप्सेमा समायोजन भैसकेको छ । ७ अर्ब ८ करोड ९१ लाख ७९ हजार रुपैयाँ चुक्ता पूँजी रहेको सनराईजको १५ प्रतिशत १ अर्ब ६ करोड ३३ लाख ७६ हजार ८५० रुपैयाँ बोनसपछि ८ अर्ब १५ करोड २५ लाख ५५ हजार ८५० रुपैयाँ पुग्नेछ ।
सम्बन्धित शीर्षकहरु
मुख्य खबर
भोली हुने निर्वाचनको सम्पूर्ण तयारी पूरा, निर्धक्क भएर मतदान गर्न आयोगको अपिल
निर्वाचन आयोगले भोली विहानैबाट सुरु हुने प्रतिनिधिसभा सदस्य निर्वाचनको सम्पूर्ण तयारी पूरा भएको जनाएको छ ।
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया